Miet missier Calamatta!

Dalgħodu mort naqdi lil ommi għand Gejtu.

Vivian ta’ ħdejna qaltli li missier Alister Calamatta miet b’attakk tal-qalb! Kellu 49 sena!

Iltqajt ma’ Lenny ukoll, u qalli li taċ-Ċentru se jkunu l-funeral. Naħseb jien sejjer ukoll.

Illum ċempilna lil Liliana.

Filgħaxija mort sal-Mużew, u mort ħażin ħafna fit-table tennis.

Illum daħħakthom ħafna fil-lezzjoni. Il-Qamar beda jitkellem dwar il-Papa, u qbiżt jien u għedt: “Il-Papa min hu?” Tgħidx kemm daħku!

Imbagħad beda jitkellem fuq Paceville, u beda jgħid li ż-żgħażagħ imorru hemm biex mingħalihom ikunu ferħanin. Qbiżt jien, u għedt: “Eh, imorru l-Mużew mela!”

Did-darba ma semanix.

Diska tal-ġurnata: Us and Them – Pink Floyd