Id-Djarju Ħabib Ta’ Tfajjel Ħalliem

Ġurnata Kemmuna

1995-08-27T23:51:00.004+02:00

Fis-sitta u nofs mort nixtri l-ħobż, u tajthom lil ommi biex tagħmilhomli.

Fis-sebgħa neqsin għaxra kont hemm.

Fil-vann daqqejt tal-Led Zeppelin. Formosa beda jgorr...

Morna Santa Marija u qgħadna hemm.

Blue Lagoon ma morniex minħabba li kien hemm iż-żgħar. Imma ħadna gost xorta.

Lgħabna logħba qisha ta’ l-annimali. Wara ġie Godwin u lgħabna logħba tixbaħha iżda bil-punti. Tgħidx kemm issalvaġġjajna u tajna. Jien waqajt il-baħar fuq il-ġebel b’Godwin fuqi!

Illum sirt naf li omm Pierre marret il-każin u ratu ħiereġ! Huwa qalilha li mar ġirja!

Filgħaxija missieri mar ikellem lill-Qamar.

Diska tal-ġurnata: Roadhouse Blues – The Doors

Stuart beda jibki

1995-08-26T23:30:00.001+02:00

L-O Levels baqgħu ma ġewx! X’nervi!

Rock Files II ta’ llum ma kienx ħażin.

Filgħaxija tlajt sa Wied il-Għajn.

Il-bniet ma tantx kellmuna.

Stuart beda jibki ħafna, għax Moira llum qaltlu li “aħjar nibgħu ħbieb.” Tort tiegħu – kien qed jeħodha bis-serjetà wisq.

Andrea qata’ xagħru u ġie qisu iblah!

Erġajna nfridna llum. L-ewwel kulħadd is-Summer Nights, wara kulħadd l-Osiris, u mbagħad jien, Stuart, Penza u Oliver morna sal-Mintba.

Imbagħad morna s-San Antonio. Daqq Light My Fire u Roadhouse Blues.

Illum pejjipt l-aħħar sigarett Ċiniż li kelli.

Quddies mort tal-ħamsa u nofs, għax għada sejjer Kemmuna.

Diska tal-ġurnata: Roadhouse Blues – The Doors

Ġurnata Għawdex

1995-08-25T23:53:00.003+02:00

Fis-sitta neqsin kwart kont ħdejn il-Mużew.

Tlaqna ma’ ta’ l-ewwel.

Morna d-Dwejra u Ħondoq ir-Rummien.

Kilt ħobża sħiħa. Xtrajtha minn hemm.

Id-Dwejra ma nżiltx ngħum. Kien hemm mara neżgħet għarwiena quddiemna!

Duminku tgħidx kemm daħħakni llum! Jiena għedtlu li kultant ikolli ħajra nsir bħal Godwin.

Ir-rużarju għednih quddiem wied.

Laiviera ċempel id-dar biex jara jekk waslux l-O Levels. Ma ġewx. Laiviera qal li hemm xi strajk tal-posta!

Għadni ma nistax nemmen li Tomi Iommi ffirmali u ħadli b’idi darbtejn!

Diska tal-ġurnata: Black Sabbath – Black Sabbath

Iltqajt ma’ Tony Iommi!

1995-08-24T23:59:00.004+02:00

Dalgħodu domt xi siegħa u nofs oħra nistenna lil tal-posta. Wara sirt naf li kien għadda kmieni! Forsi r-riżultati jaslu għada. Suppost dil-ġimgħa għandhom jaslu. SUPPOST!

Ċempilli Penza u qalli li ma kienx ġej għax għandu rasu u siequ juġgħuh. Ċempilt lil J.P.G., imma ma riedx jiġi. Wara ċempilt lil Stuart, u qalli li ser jiġi.

Ġie xi kwarta tard. Wasalna tas-Sliema fl-erbgħa u ħamsa, u fl-erbgħa u kwart konna l-Exotique. Domna ħafna nistennew. Hemmhekk iltqajt ma’ Mauro u ma’ James, dawk li jiġu s-Seminarju.

Il-Black Sabbath waslu fil-ħamsa u kwart. Kif daħal Tony Iommi ħadtlu b’idu mill-ewwel! Kont l-ewwel wieħed! Wara ftit dħalt fil-kju. Ħadtilhom b’idhom kollha, u huma ffirmawli fuq browxer li ħadt minn hemm stess.

Qatt u qatt ma ħsibt li Tony Iommi xi darba ser jiffirmali u jeħodli b’idi darbtejn! Kienet esperjenza tal-ġenn!

Jiena għalih biss mort, imma ladarba Tony Martin, Neil Murray, Bobby Rondinelli u l-ieħor li ma nafx x’jismu kienu qegħdin hemm, ħadtilhom b’idejhom u ħallejthom jiffirmawli xorta waħda.

L-aqwa li Tony Iommi ħadli b’idi darbtejn!

Dil-ġurnata speċjali ma ninsiha qatt!

Wara bqajt sejjer ferħan sal-Mużew.

Diska tal-ġurnata: Black Sabbath – Black Sabbath

Xbajt nistenna...

1995-08-23T23:34:00.002+02:00

Dalgħodu domt xi siegħa u nofs nistenna lil tal-posta imma ma ġiex. Forsi jiġi għada.

Illum għamilt programm random bil-Queen II, bil-Houses of the Holy, bid-Dark Side of the Moon u b’Machine Head. Il-veru ħadt gost nisimgħu. Daqqli ħamsa wara xulxin mill-Queen II. Tlieta minnhom daqqhom fl-ordni l-proprja.

Filgħaxija rajt biċċa film tan-nejk.

Diska tal-ġurnata: N.I.B. – Black Sabbath

Baqa’ ma wasal xejn...

1995-08-22T23:42:00.005+02:00

Filgħaxija mort sal-ġnien ta’ Raħal Ġdid m’Oliver, Ignatius, Stuart, Mariette u Lorna.

Pejjipt xi tnejn oħra mis-sigaretti li ġabli Edwin.

Wara mort nara Daqqu d-Disgħa u Nofs. Is-suġġett kien dwar x’sens għandu Alla f’ħajjitna. Alla jbierek kollha jemmnu f’Alla dawn!

Nhar il-Ħadd dawk sejrin il-baħar. Jien ma nistax immur għax sejjer Kemmuna. Nhar il-Ħamis 31 t’Awwissu sejrin l-iSplash & Fun.

Stuart ġabli Queen II u qalli biex nagħtihulu lura meta tibda l-iskola. Jiena tajtu Jazz u dak taż-Zeppelin biex forsi jixtrihom.

Ir-riżultati ta’ l-O Levels aktarx ser jaslu għada.

Missieri qabad jgħajjat miegħi għal xejn. Dana kollu għax għedtlu li r-riżultat nixtieq niftħu jien! U jiena l-iblah noqgħod naqbeż għalih spiss meta ommi taqbad tgorr fuqu!

Diska tal-ġurnata: The Wizard - Black Sabbath

Dak l-Escort għalija!

1995-08-21T23:41:00.008+02:00

Qomt f’xi l-ħdax u kwart.

Ir-riżultati baqgħu ma ġewx! Naħseb għada jew l-Erbgħa jaslu.

Wara nofsinhar irqadt.

Ġie ħija. Stephanie llum ma riedet taf b’ħadd. Ma nafx xi ġralha.

Qgħadt infittex il-lajter l-oranġjo, imma ma sibtha mkien. Naħseb li ħallejtha għand Muscat.

Wara l-lezzjoni (tal-Question Box) Godwin kellem lil Formosa u lil Penza, waħidhom. Irnexxieli nisma’ xi ħaġa mill-konverżazzjoni minn barra u minn wara l-bieb. Rani l-Prefett Leslie u mar ixandar kollox, ja liba l’hu!

Pejjipt sigarett minn dawk li tani Edwin. Veru ħfief, iżjed mir-Royals Blu! Xorta jintnu xi ftit.

Filgħaxija rajt Renegade.

Kien sabiħ.

Illum qgħadt naħseb li jekk missieri jixtri karozza ġdida, forsi jiena nkun nista’ nieħu l-Escort. Nibdillu ġewwa u t-tajers, nisprejjah iswed u jkun tiegħi!

Diska tal-ġurnata: I'm In Love With My Car - Queen

BBQ ma’ tal-Mużew

1995-08-20T23:53:00.003+02:00

Dalgħodu qomt għal tat-tmienja.

Qabel il-quddiesa mort inġib il-ħobż lil ommi.

Godwin qalli li ser iħallasli kollox hu fil-BBQ, u allura mort.

Edwin ġabli 11-il sigarett Ċiniż (dawk li kien wegħdni). Lil Penza ser iġiblu xi 5.

Ħadt gost ħafna l-BBQ. Ħadt żewġ ħambergers u nofs hotdog.

Qgħadt naqbad daqsxejn ma’ Godwin.

Wasalt id-dar f’xi l-ħdax u kwart.

Norbert qalli li lbieraħ Godwin keċċa lil Formosa għax ħbielu r-rassenja. U Formosa qal li Norbert kien jaf fejn kienet iżda “ċaħad kollox.”

Diska tal-ġurnata: The Song Remains The Same - Led Zeppelin

Andrea qalilna oħra minn tiegħu

1995-08-19T23:32:00.017+02:00

Ir-riżultati ta’ l-O Levels baqgħu ma ġewx.

Illum beda l-league Ingliż. Il-Liverpool rebħu 1-0 kontra Sheffield Wednesday, u dawk tal-Man Utd tilfu 3-1 kontra l-Aston Villa! Il-Leeds rebħu 1-2 kontra West Ham. Il-Blackburn rebħu lil Q.P.R. 1-0.

Rock File II tal-101 insejtu llum. Kien hemm Charles Marsh bil-lista tiegħu tat-Top 101. Xi tlift qaħbeċ!

Filgħaxija morna sa Wied il-Għajn.

Ta’ l-Osiris ma daħħalnix, għax qalli li għandi xagħri twil u nidher xi Rocker imħarbat!

Iddubbjat xi żewġ sigaretti.

Tas-Summer Nights ġab juke box.

Il-bniet ġew ftit sa ħdejna.

Nhar il-Ħamis sirt naf li Stuart u Moira mhumiex ser jibqgħu joħorġu flimkien għax Moira ddejqet mingħajr ħbieb!

Andrea ġie jgħidilna li jekk nagħtuh nofs miljun lira jħallina nirrejpjawh kollha! Lorna tgħidx kemm daħket meta għednilha biha din. Skantajniha.

Ma kellha għalfejn tiskanta xejn. Jiena kultant naħseb li anke b’nofs lira joqgħod, daqs kemm hu pufta dak!

Diska tal-ġurnata: Good Old-Fashioned Lover Boy – Queen

Lorna qattgħet il-karti m’Andrea!

1995-08-18T01:05:00.005+02:00

Fid-disgħa kont ħdejn it-Tip Top.

Kien hemm Muscat biss. Għedtlu li Colette ma kinitx ġejja. Tgħidx kemm għamel buri, u baqa’ jeqred sa xħin wasalna. Ġab pakkett sigaretti u tani nofsu.

Morna Birżebbuġa. Konna jien, Muscat, Oliver Briffa, Vanessa, Lorna, Ignatius u xi kuġin tiegħu. Għal xi l-ħdax u nofs ġiet ukoll Ashley.

Il-bniet qabduha fuq il-period, is-sess u l-masturbazzjoni. Jien għedtilhom li nġerrieh, u qagħdu jidħku bija. U dak Muscat, li kiel ilsienu jgħidli kemm ilu jġerri fuq Colette, kompla magħhom u ma qabiżx naqra għalija! Il-veru jaf ikun tal-liba dak it-tifel kultant.

Imbagħad qabdu jgorru fuq Andrea. Jien mort ngħid lil Muscat li Andrea kien qalli li huwa “jrid jimsaħ żobbu f’Lorna.” Huwa nfaqa’ jidħak, u Lorna ndunat li konna għedna xi ħaġa fuqha. Muscat qalilha x’għedtlu, u tgħidx kemm ħadet għaliha! Kompliet tumbrah iżjed milli kienet! Imma mbagħad bdejna niċċajtaw magħha u kważi għaddielha.

Xtrajna biċċa ballun bejnietna. Ħriġna xi 8ċ kull wieħed. Erġajna lgħabna tal-annimali. F’ħin minnhom ħallejna l-ballun waħdu u għosfor. Jew intilef jew insteraq, ma nafx!

F’xi l-ħamsa tlaqna ’l hemm.

Ommi ratni m’Ashley, u qagħdet tistaqsini ħafna fuqha!

L-O Levels ma ġewx...

Diska tal-ġurnata: Heartbreaker – Led Zeppelin

Serqulna ’l Ignatius!

1995-08-17T23:25:00.005+02:00

L-O Levels baqgħu ma waslux.

Ġie ħija ma’ Stephanie. Spuntatilha xi sinna, u bdiet tigdimli subgħajja!

Ċempilli Ignatius biex jgħidli li sejrin sal-ġnien ta’ Raħal Ġdid. Jiena mort magħhom. Kien hemm Oliver, Lorna u Mariette ukoll. Hemmhekk iltqajt ma’ Miguel. Qalli li sejjer jara l-Black Sabbath.

Kif konna sejrin lura d-dar, waqfet quddiemna karozza ħamra bi tliet ġuvintur rekbin fiha. Ħareġ is-sewwieq u staqsiena: “Min minnkom qagħad iserraħ mal-karozza tiegħi?” Mar fuq Ignatius u qallu: “Int kont!”, u daħħlu miegħu fil-karozza! Qal li kien ser jieħdu l-għassa!

Aħna morna nċemplu ’l ommu. Irrisponda missieru u qalilna li ġej. Imbagħad bqajna sejrin id-dar.

Ftehmna li għada fid-9.00 niltaqgħu kollha ħdejn it-Tip Top biex immorru l-baħar.

Diska tal-ġurnata: Black Dog – Led Zeppelin

Ma wasal xejn!

1995-08-16T22:51:00.004+02:00

Ir-riżultati ta’ l-O Levels ma waslux. Lanqas ħaqq kemm domt nittawlilha l-letter box!

Illum studjajt daqsxejn. Lestejt il-Merchant of Venice kollu.

Imbagħad daqqejt ħafna l-isterjo.

Diska tal-ġurnata: Whole Lotta Love – Led Zeppelin

Ir-riżultati ta’ l-O Levels għandhom jaslu għada

1995-08-15T22:49:00.003+02:00

Dalgħodu mort sal-Mużew, għax kien miftuħ minħabba Santa Marija.

Wara mort sal-Każin.

Wara nofsinhar mort il-baħar ma’ tal-Mużew. Morna l-Kalanka, u l-veru ħadt gost.

Edwin għadu ma ġabhomlix dawk is-sigaretti.

Suppost għada għandhom jaslu r-riżultati ta’ l-O Levels!

Diska tal-ġurnata: The Severed Garden – Jim Morrison/The Doors

Ħiereġ ktieb ta’ Jim Morrison

1995-08-14T23:44:00.005+02:00

L-ewwel mort sal-Mużew.

Penza tani żewġ sigaretti. Pejjipthom, u magħhom daħħant ukoll dawk it-tnejn li kien tani x-Xadinu.

Wara ħafna ħsibijiet, mort sad-disko taċ-Ċentru. Kien hemm biss il-grupp tagħna u xi għaxra oħra. Jien spiċċajt naqbeż mar-Rave u Muscat beda jiskanta bija.

Muscat mar staqsa lil Colette jekk tridx tirranġa miegħu. Qaltlu li ser tagħtih risposta nhar il-Ġimgħa. Naqta’ rasi li tgħidlu le.

Raissa kellha flokk tal-Guns N’ Roses. Rajtha tbus lin-Nemusu xi darbtejn.

Smajt li lil Jim Morrison ser joħorġulu xi ktieb bil-poeżiji tiegħu.

Diska tal-ġurnata: Love Me Two Times - The Doors

Mawra sal-Munxar

1995-08-13T22:11:00.004+02:00

Dalgħodu mort il-quddiesa tad-disgħa.

Iltqajt ma’ Lorna u sħabha. Qaluli li kienu sejrin Birżebbuġa.

Kif ħriġt mill-quddies bdiet traxxax ix-xita. Imma wara rajt lil Lorna u l-bqija u qaluli li xorta kienu lesti biex imorru jgħumu.

Għal xi 12.00pm ħarġet ix-xemx. Ċempilt lil J.P.G u ftehmna li mmorru l-Munxar.

Jien u Penza xtrajna pakkett sigaretti għalina, imma wara tajt tnejn lil Formosa u tnejn lil J.P.G.

Il-baħar illum ma tantx għoġobni.

Wara bosta majnati, kelli ngħidilhom li dik it-tfajla li togħġobni l-iżjed bħalissa hija Moira!

Diska tal-ġurnata: Speak To Me/Breath – Pink Floyd

Qam għalija x-Xark!

1995-08-12T23:04:00.015+02:00

Illum ċempilt lil tar-Rock File II bl-iskuża li jiena Jesmond Aquilina u li nixtieq inkun naf xi jħobbu jisimgħu l-Maltin. Qalli li ser jibgħatli l-listi wara Settembru! Ma nafx kemm fottejtu!

Il-ġimgħa d-dieħla nċempel lil tar-Rock Moods biex jibgħatli tiegħu. Irrekordjajt dawk ta’ llum.

Filgħaxija ma mortx Wied il-Għajn. Qiegħed browk, u ma kellix aptit.

Minflok mort sal-Mużew.Il-lezzjoni għamilhielna x-Xark. F’ħin minnhom infqajt nidħak u huwa qam għalija – fil-veru sens tal-kelma! U min iżommok bid-daħk man!

Imbagħad mort sal-Każin tal-futbol.

Fredu l-Bamboċċu tani Mars b’xejn u t-tifel tiegħu tani sigarett.

Wara morna nkellmu lil missier Jean-Paul għall-baħar, għal għada.

Se mmorru quddiem San Tumas, fl-għaxra u nofs.

Diska tal-ġurnata: Paranoid – Black Sabbath

Paceville għall-ewwel darba

1995-08-11T23:41:00.001+02:00

Dalgħodu mort darbtejn sal-każin imma kien magħluq.

Wara nofsinhar mort sa Paceville għall-ewwel darba. Mort ma’ Stuart, Ignatius, Oliver Briffa, Moira, Mariette Cutajar, Lorna, Clare, Colette u oħra nsejt x’jisimha.

Inqsamna fi tnejn. Jien, Stuart, Moira, Clare u l-oħra morna l-Bowling u l-iSnooker Hall. Fil-bowling ma lgħabtx sew. Ġejt il-ħames minn sitta !

Wara mort sal-każin. Filgħodu kont ċempilt lil Formosa biex imurli għas-CD tal-Black Sabbath. Meta mort il-każin sibtu biha f’idu. Li kieku nsterqet kont nispiċċa nħallas xi Lm5 mill-inqas!

Imbagħad mort sat-Tequila u rbaħt logħba biljard.

Ngħid is-sew, Paceville ma tantx laqatni minn barra. Minn dak li smajt, ħsibtu ferm isbaħ.

Diska tal-ġurnata: Snowblind - Black Sabbath

Insejt CD ta’ Penza l-każin!

1995-08-10T17:38:00.000+02:00

Illum irrekordjajt id-diski li għoġbuni mis-CDs tal-Black Sabbath u ħamsa mill-Houses of the Holy għall-antoloġija tal-Led Zeppelin. Irrekordjajthom mill-album oriġinali biex jiġu iżjed ċari.

Filgħaxija mort il-Mużew bir-Remasters taż-Zeppelin, bil-Volume 4 u bl-Iron Man tas-Sabbath. Lil Godwin tajtu s-CDs tiegħu. Wara mort sal-każin bis-CD tal-Black Sabbath ta’ Penza.

Imbagħad mort nara l-Arsenal kontra l-Inter. Ġew 0-0.

Fil-11.15 ta’ bil-lejl indunajt li kont ħallejt is-CD tal-Black Sabbath il-każin!

Diska tal-ġurnata: Iron Man - Black Sabbath

Ġurnata Għawdex

1995-08-09T22:24:00.000+02:00

Fil-5.30 am kont il-Mużew. Morna Ta’ Pinu, ix-Xlendi, ir-Rabat u Marsalforn. Ħadna gost u għomna ħafna.

Meta konna x-Xlendi Godwin tela’ jorqod fuq. Jiena, Edwin u Tyron tlajna ħdejh. Għamel tabirruħa rieqed, u qagħad jisma’ kull ma konna qed ngħidu. Għedna ħafna xorti, l-iżjed fuq in-nisa.

Edwin qalli li ser iġibli xi 25 sigarett Ċiniż.

Wasalt id-dar f’xi t-8.30 pm.

Diska tal-ġurnata: Tears of the Dragon – Bruce Dickinson

Missieri ser iħallini mmur Paceville, wara nofsinhar!

1995-08-08T23:24:00.005+02:00

Filgħaxija mort saċ-Ċentru.

Kien hemm ħafna kwiet.

Audrienne ġabitli s-CD tal-Led Zeppelin.

Oliver Briffa telaq mill-Kumitat, u Fabrizio, in-Nemusu u Calamatta marru għalih. Anke r-Rasti kien ser ikollu xi jgħid ma’ Calamatta u n-Nemusu! Bdew jinku wkoll lil Ashley. Bdew jgħidulha li ommha ma tafdahiex!

Jiena qgħadt nitgħannaq naqra man-Nenè. Qaltli li l-Lenny tgħidx kemm qiegħed jgħir.

Smajt li xħin jien kont il-Mużew, ġew Charlene u Rachel biex jagħmlu paċi ma’ Ellaine, iżda hija ma riditx. Il-veru xtaqt kellimtha ftit lil Rachel. Xi tlift!

Sħabi ftehmu biex nibdew immorru l-Youth Centre ta’ Raħal Ġdid.

Lil Missieri llum staqsejtu jekk iħallinix immur sa Paceville, mill-16.00 sad-21.00. QALLI I-V-A !

Diska tal-ġurnata: War Pigs – Black Sabbath

Għeluq snin Bruce Dickinson

1995-08-07T00:29:00.006+02:00

Illum smajt ħafna mużika.

Filgħaxija mort sal-Mużew u kellna l-Vestis.

Għajnejn Godwin kollox sew!

Studjajt xi ftit. Fadalli tliet atti oħra biex nispiċċa l-Merchant of Venice. Imbagħad ikun jonqosni biss l-analiżi tal-karattri.

Illum Bruce Dickinson kellu l-birthday.

Għalaq 37 sena.

Diska tal-ġurnata: Tears of the Dragon – Bruce Dickinson

Braxt għajn Godwin!

1995-08-06T00:13:00.006+02:00

Dalgħodu mort il-quddies tat-tmienja ħdejn il-Qamar. Wara mort inkellem lil Ashley.

Wara nofs in-nhar mort il-baħar ma’ tal-Mużew. Għaddast lil Godwin u braxtlu għajnu!

Godwin tani Volume 4 tal-Black Sabbath.

S’issa xi erba’ diski biss għoġbuni ħafna. Forsi veru ma tantx jgħoddu għalija dawk!

Diska tal-ġurnata: St. Vitus Dance – Black Sabbath

Missieri tani sal-23.30!

1995-08-05T23:55:00.001+02:00

Filgħaxija morna Wied il-Għajn. Missieri llum tani sal-23.30!

Il-bniet ma ġewx magħna għax konna ħafna subien.

Stuart qed joqgħod waħdu ma’ Moira!

Ġie magħna Formosa. Qalli li nhar l-Erbgħa sejrin Għawdex.

Morna xi ftit sa l-Osiris. Kien hemm ħafna nies. Lili talabni l-ID Card. Għedtlu li ma kellix u ma riedx idaħħalni. Imma wara ftit qalli biex nidħol. Żfint xi ftit.

Id-DJ qalli li għandu diski tad-Doors, imma jdoqqhom matul il-ġimgħa biss!

Ferrito qalli li dan l-aħħar sar jisma’ minn kollox!

Sħabi kienu ser imorru ’l hemm, u b’xorti tajba ma tantx domna.

Kellimt ftit lil Martha, u pejjipt tliet sigaretti.

Wara ltqajt ma’ Celia, xrobt xi tlieta birra u kważi skirt.

Diska tal-ġurnata: Highway Star - Deep Purple

Diskursata ma’ Ġanni

1995-08-04T22:40:00.013+02:00

Illum morna l-baħar.

Penza ma ġiex għax kellu żaqqu tuġgħu. Lanqas biss ċempel! Meta mort għalih ġiet tkellimni ommu.

Xtrajt pakkett Benson & Hedges u qsamtu ma’ J.P.G. Għandu jagħtini 35ċ.

Bejnietna xtrajna wkoll sitt bottijiet Hopleaf, imma kellna nixorbuhom sħan għax qiegħ il-baħar kien fond wisq.

Lil J.P.G. għedtlu li jien inħobb lil Moira, imma ma riedx jemminni.

Qalilna li ħareġ xi darbtejn fi grupp ma’ waħda Żvediża, u li forsi kienet hi li bidlitu.

Jiena għedtlu li lil Elaine ma tantx għadni naħmilha, l-iżjed minħabba dik il-ġlieda ma’ Rachel.

Għedtlu wkoll li darba rajt lil Charlene tbus lil xi wieħed. Tgħidx kemm għamel f’qalbu!

Filgħaxija mort saċ-Ċentru.

Ftehmna għall-baħar. Ser immorru nhar l-Erbgħa.

Diska tal-ġurnata: Lazy – Deep Purple

Smajt diska tal-Jethro Tull

1995-08-03T22:24:00.008+02:00

Filgħaxija mort sal-Mużew. Reġa’ rebaħ it-tim tiegħi!

Mort s’għamd J.P.G. ħalli niftehmu fuq il-baħar, għal għada.

Penza jrid imur sal-K.T.A.

Rajt dokumentarju fuq ix-xarks.

Sirt naf li Jimi Hendrix miet fl-18 ta’ Settembru 1970, u li ser joħroġ film dwaru jismu Experience Hendrix.

Illum fuq ir-radju smajt diska tal-Jethro Tull.

VERA TAL-ĠENN!

Diska tal-ġurnata: Aqualung - Jethro Tull

Ġurnata ġewwa

1995-08-02T21:54:00.004+02:00

Illum bqajt ġewwa.

Daqqejt ħafna Rock.

Jesmond sema’ dak is-CD tal-Queen.

Tgħidx kemm għoġbitu!

Diska tal-ġurnata: Modern Times Rock ‘N Roll (live) - Queen

Lil Testaferrata mitulu tlett itfal!

1995-08-01T22:12:00.001+02:00

Illum mort saċ-Ċentru.

Qaluli li l-baħar għandna mmorru l-ġimgħa d-dieħla.

Il-programm Daqqu d-Disgħa u Nofs ta’ llum kien sabiħ ħafna.

Smajt li lis-Sur Testaferrata mitulu tlett itfal bil-kanċer!

Diska tal-ġurnata: Highway Star – Deep Purple

Smajt id-Deep Purple mal-Panasonic

1995-07-31T23:54:00.003+02:00

Kif kont għaddej minn ħdejn it-Tip Top sellimli l-Panasonic. F’idi kelli l-Machine Head, għax kont sejjer nagħtih lil Penza. Il-Panasonic għajjatli u qalli biex nidħol miegħu ġewwa ħalli nisimgħu “naqra Purple.”

Daqq Lazy.

Wara ġew tnejn oħra. Wieħed minnhom jifhem ħafna fil-Purple.

Imbagħad mort il-Mużew. Ftehmna għal Għawdex.

Wara mort id-dar u bdejt indoqq il-Machine Head.

Is-CD qabżet xi darbtejn! Kelli noqgħod innaddafha mill-marki tas-swaba’.

Wara li rajt film ta’ Fantozzi erġajt smajtha kollha.

Did-darba ma qabżitx.

Diska tal-ġurnata: Lazy – Deep Purple

Smajt il-Queen At The BBC

1995-07-30T22:25:00.014+02:00

Illum morna l-Kalanka ma’ tal-Mużew. Ħadt gost ħafna ngħum u naqbeż, u x-xark ma kilnix!

Illum Ta’ Bukki l-kbir tani lura l-Machine Head tad-Deep Purple.

Penza silifli l-Queen At The BBC. Mort id-dar nisimgħu.

Fih studio versions differenti ta’ seba’ diski mill-Queen I u Ogre Battle. Huma speċi ta’ rehearsals fuq il-BBC. Tajjeb ħafna.

Fil-vann lejn id-dar, lil Formosa għajjartu “LIBA” b’leħen jgħajjat. Imn’alla l-Qamar ma semanix!

Diska tal-ġurnata: Doin’ Alright (live)- Queen

Skiet perfett minħabba Andrea...

1995-07-29T23:14:00.010+02:00

Morna Wied il-Għajn. Meta morna ħdejhom madwar mejda s-Summer Nights, kien hemm kwiet kbir!

Morna ftit sax-Sheek, u jien xtrajt birra. Kif ħriġna ma kien hemm ħadd! Ma bdejna nifhmu xejn!

Wara morna sa l-Osiris u sibnihom hemm. J.P.G. beda jiżfen bħas-soltu, imma Silvio beda jħoss is-sħana u tlaqna ’l barra.

Stuart irranġa ma’ Moira!

Imbagħad morna sal-Mintba. Jien u Penza morna niddedikaw id-diska Oh! Carol lil J.P.G. u lil Silvio. Tgħidx kemm inħarqu!

Meta wasalna lura l-Fgura ġie fuqna Stuart. Qalilna li dak il-kwiet kollu kien minħabba Andrea. Allura issa qed naħseb illi dawk telquna minħabba Andrea.

Bqajna li nhar it-Tlieta nerġgħu nifthemu...

Diska tal-ġurnata: Oh! Carol – Neil Sedaka

Dellimara ma morniex, imma ħriġna 150 metru ’l barra!

1995-07-28T22:20:00.007+02:00

Dalgħodu mort ngħid lil Jean-Paul li ma rridx immur Dellimara. Beda jeħodni bin-nejk, u qalli li għalih xorta.

Wara ltqajna ħdejn Formosa, u ddeċidejna li mmorru Tigné.

Propja propja ma morniex Tigné, għax bqajna sejrin iżjed ’il bogħod.

Domna xi ftit ma wasalna. Sigaretti ma xtrajniex, imma xorta ħadna gost.

Bqajna ħerġin xi 150 metru ’l barra!

Wara nħsilt u mort iċ-Ċentru.

Lorna u Ashley qaluli biex nibqa’ noħroġ magħhom, għax jiena “ver’allright”.

Diska tal-ġurnata: Black Dog – Led Zeppelin

Reġgħu raw il-ħuta!

1995-07-27T23:23:00.004+02:00

Lis-Superjur Pawlu staqsejtu għaliex ilbieraħ ma tellanix naqra. Qalli li għax kien sar il-ħin u li ddispjaċih. Qalli wkoll li kien hemm oħrajn li ma qrawx. Sa fejn naf jiena, kulħadd qara minbarra jien!

It-tim tiegħi llum reġa’ rebaħ il-logħob ta’ fuq il-bejt.

Erġajt lgħabt ċess u drafts waħdi.

Formosa ċempilli biex immur miegħu l-laqgħa tal-Qawsalla. Imma naħseb aħjar immur wara s-sajf.

Missieri qalli li dik il-ħuta l-kbira llum rawha fl-inħawi ta’ Marsaxlokk u Delimara. Lanqas is-sajjieda ma setgħu jaqbduha daqs kemm hi kbira! Rawha f’xi l-ħdax, f’xi s-sagħtejn u f’xi s-sitta.

Ta’ l-aħbarijiet avżaw lill-għawwiema biex joqogħdu attenti.

Jiena m’iniex ser nersaq ’l hemm. Jekk iridu sħabi jmorru huma!

Aħjar immorru lejn Blue Grotto jew Tigné.

Diska tal-ġurnata: Night Flight – Led Zeppelin

Raw xi ħuta kbira!

1995-07-26T22:37:00.003+02:00

Filgħaxija mort il-Knisja biex nitla’ naqra, imma Pawlu ma tellanix! Tgħidx kemm inħraqt!

Ġie ħija, u sliftu l-ktejjeb ta’ Queen II.

Illum erġajt qgħadt nilgħab ċess waħdi.

Nhar il-Ġimgħa sejrin il-baħar.

Penza qalli li fil-bokka ta’ Marsaxlokk raw xi ħuta kbira!

Diska tal-ġurnata: The Fairy Feller’s Master-Stroke - Queen

Tal-Mużew rawni dieħel iċ-Ċentru!

1995-07-25T23:13:00.004+02:00

Illum Godwin u l-Qamar rawni dieħel iċ-Ċentru! Min jaf x’ser jgħidli l-Qamar?!

Taċ-Ċentru ftehmna li dil-ġimgħa ma mmorrux baħar. Mel’issa mmur ma’ Formosa.

Illum reġa’ ġie Degabriele ċ-Ċentru.

Stuart ġabli l-ktejjeb ta’ Queen II, u kkuppjajt il-lirika kollha.

Sirt naf li l-oħrajn ser jibqgħu jmorru l-Osiris, imma m’humiex ser idumu ħafna. Colette qalet li ma tantx tieħu gost hemmhekk għax ġieli qabdu magħha!

Diska tal-ġurnata: Kashmir – Led Zeppelin

L-antoloġija taż-Zeppelin lesta

1995-07-24T23:23:00.009+02:00

Mort sal-Mużew u Godwin għamlilna priedka.

Il-Qamar tana xi biċċiet biex nhar l-Erbgħa li ġej naqrawhom fil-programm ta’ Dun Ġorġ li ser isir fil-Knisja. Nhar l-Erbgħa kont sejjer il-baħar! Meta għedtlu li tahomlna biex żgur jorbotna niġu ħa għalih u qalli li dawn l-affarijiet ma jagħmilhomx.

Illum mort il-Belt ma’ Penza. Huwa xtara l-Black Album tal-Metallica u Queen Live at the BBC! Fih xi sebgħa mill-Queen I u Ogre Battle live. Dawn kienu ġew irrekordjati fl-1973, qabel ħarġuhom f’verżjoni studjo.

Irrekordjajt il-cassettes tal-Led Zeppelin.

Il-Boxed Set II mort tajthielu lura.

Diska tal-ġurnata: Kashmir – Led Zeppelin

Morna Xrobb l-Għaġin

1995-07-23T23:04:00.006+02:00

Dalgħodu l-Mużew domna ħafna fil-programm tal-Ħadd.

Wara morna għand J.P.G. u ftehmna biex immorru l-baħar. Qtajniha li mmorru Tigné.

Meta wasalna l-Belt, l-ewwel niżżluna minn fuq it-62, u mbagħad tal-linja kienet mimlija. Minflok konna ser immorru Delimara, imma kien sar il-ħin. Allura ddeċidejna li mmorru sa Marsamxett, imma l-baħar kien maħmuġ!

Allura ġejna lura l-Fgura, u lil tal-Mużew ilħaqnihom bl-eżatt.

Morna Xrobb l-Għaġin.

Mutettu u Bonetti l-Kbir qabżu mill-għoli nett, u s-Superjur qalilhom biex il-Ħadd li ġej ma jiġux!

Tlift iċ-ċavetta tad-dar!

Formosa qalli biex il-Ħamis immur miegħu l-laqgħa tal-Qawsalla!

Ilbieraħ sirt naf li Raissa ntregħdat m’Andrea, u li qagħdet tibki minħabba fija għax jien qbiżt għal Rachel.

Diska tal-ġurnata: Black Dog – Led Zeppelin

Sibt moħxi l-Osiris

1995-07-22T23:10:00.003+02:00

Fis-sebgħa ltqajna kollha quddiem is-Summer Nights. Ħafna twebblu biex imorru d-disko tal-Ġerma li organizza Piscopo. Spiċċajna erbgħa biss. Domna nifthemu, għax jien u Penza ma ridniex immorru, u meta raw hekk J.P.G. u Andrea baqgħu magħna.

Morna l-Osiris. J.P.G mar jiżfen ir-Rave m’Andrea. Damu xi 45 minuta. Jien u Penza ddejjaqna ħafna.

Meta mort id-dar qgħadt nirrifletti. Allura jekk inkunu l-grupp kollu ser ikolli noħroġ niżfen? U tgħid ir-Rave ser itaffili l-passjoni lejn ir-Rock? Xi jgħidu n-nies fuqi kieku? Tgħid xi darba ser ikolli ninfired minn mal-grupp ta’ Lorna u Moira u J.P.G. minħabba l-mużika Rock?

Imma mbagħad għedt, xi siegħa l-Osiris ma’ Penza, bejn sigarett u ieħor, forsi tgħaddi malajr!

Diska tal-ġurnata: Rock And Roll - Led Zeppelin

Ġurnata oħra l-Għadira

1995-07-21T23:43:00.009+02:00

Illum morna l-Għadira.

In-Nenè, il-Lenny, iċ-Chintz, Ashley u Calamatta ma ġewx. Imma did-darba ġew Albert Muscat u waħda ġdida jisimha Vanessa. Għal xi ftit qagħdet magħna wkoll waħda jismiha Esther. Għandha xi 18-il sena.

Muscat ġab is-sigaretti.

Illum ivvintajtilhom logħba li semmejtha “ta’ l-annimali.” Hija xi ħaġa hekk: nitfgħu l-ballun addoċċ u kulħadd irid jissara biex jieħdu u jitlaq jiġri. Intant jien taparsi qed nirsisti, u minflok naqbad is-srum! Ħadmet!

Qabel tlaqna ċempilna lil Mikiel u bdejna nitnejku bih!

Tlaqna lura xi l-ħamsa u nofs.

Wara bqajt sejjer saċ-Ċentru biex infittex lil Audrienne, imma ma sibthiex. Dik għandha tagħtini ħames liri.

Hemmhekk indunajt li tlift ix-xugaman!

Meta mort id-dar kien hemm ommi u missieri, u ftit wara ġie ħija.

Kif telqu mort ninħasel.

Smajt li Calamatta rranġa ma’ Tara!

Diska tal-ġurnata: Heartbreaker – Led Zeppelin

Bdejt l-antoloġija taż-Zeppelin

1995-07-20T23:57:00.019+02:00

Illum studjajt mhux ħażin.

Dalgħodu ommi ġiet twaqqafni meta kont qed indoqq. Tgħidx kemm għajtet! Qaltli biex inbaxxilu, u jiena qbadt u tfejt kollox.

Mort sal-Mużew. Kellna l-logħob ta’ fuq il-bejt. Rebħu t-timijiet tiegħi u ta’ Formosa!

Formosa beda ġej bl-iskużi meta għedtlu li wara s-sajf dieħel fit-tim Qawsalla. Imma mhux imbilli jgħid hu!

Wara l-Mużew ħdimt ħafna fuq il-Box Set II taż-Zeppelin, għax Godwin ġabli r-Remasters ukoll! L-ewwel nesieh, imma wara mar għalih id-dar.

Domt mit-20.15 sa kważi 00.00 biex nara kif ser jiġu d-diski. Xtrajt tliet cassettes ta’ siegħa, imma għandi bżonn ieħor.

Ir-recording levels tar-Remasters għadni ma ħadthomx.

Diska tal-ġurnata: Whole Lotta Love – Led Zeppelin

Bdejt nirrekordja l-Boxed Set taż-Zeppelin

1995-07-19T23:56:00.014+02:00

Qomt xi ftit tard.

Illum ġie ħija.

It-tifla daħket ħafna, imma ma tantx riedet tiekol.

Bdejt xi xogħol fuq il-cassettes taż-Zeppelin.

Lil ħija interessah dal-boxed set. Qalli li ż-Zeppelin kienu tellgħu ’l-Queen il-Qorti minħabba Queen II, għax qalu li kienu qed jikkoppjaw il-mużika tagħhom!

Ħadt nota tar-recording levels u qassamt xi diski għalihom.

Għandu ktieb veru sabiħ dal-boxed set.

Diska tal-ġurnata: Living Loving Maid (She's Just a Woman) – Led Zeppelin

Ġibt il-Boxed Set 2 taż-Zeppelin!

1995-07-18T23:44:00.015+02:00

Qomt tard.

Filgħaxija mort nixtri Into The Wind mingħand Sapienzas.

Mort ukoll s’għand il-Jagger, imma Ta' Bukki l-kbir l-Boxed Set 2 nesieh! Qalli biex ngħaddi għalih id-dar tiegħu filgħaxija.

Wara mort il-Mużew u mbagħad għaddejt għall-boxed set.

Wara mort saċ-Ċentru. Qgħadt mal-grupp tas-soltu. Qaluli li għada m’aħniex sejrin il-baħar. Minflok ser immorru l-Ġimgħa, għax għada Alister jista’ mentri l-Ġimgħa ma jistax! Ma jriduhx jiġi għax dak salvaġġ!

Sejrin l-Għadira, u magħna għandu jiġi Albert Muscat. Ser immorru bil-mini-bus ta’ ħuh.

Wara smajt xi ħaġa taż-Zeppelin. Id-diski ta’ l-aħħar m’għoġbunix ħafna.

Diska tal-ġurnata: Good Times Bad Times – Led Zeppelin

Xtrajt Machine Head

1995-07-17T23:34:00.006+02:00

Illum mort il-Mużew.

Qabel mort sal-Belt u xtrajt Machine Head tad-Deep Purple mir-Rock Shop.

Imbagħad mort sal-Jagger, u staqsejtu biex isellifni taz-Zeppelin. Qalli li ser iġibuli għada!

Machine Head sabiħ ħafna.

Diska tal-ġurnata: Highway Star – Deep Purple

Ġurnata l-Għadira mal-‘bniet’ taċ-Ċentru

1995-07-16T23:09:00.012+02:00

Dalgħodu mort il-quddies tat-tmienja.

Wara morna l-Għadira b’tal-linja. Kellna naqbdu oħra mill-Belt.

Konna jien, Lenny, Calamatta, Stuart, Ignatius, Lorna, Moira, Ashley, Mariella u Clare.

Krejna żewġ paddle boats u tgħidx kemm dħakna.

Wara ġibna ballun, u mbagħad qgħadna nbabsu ’l xulxin! Tgħidx kemm ħadt gost inbabas lil Moira u lil Lorna, u anke huma ħadu pjaċir għax niżżluli l-malja!

B’Calamatta biss idejjaqna għax dak salvaġġ ħafna. Anzi tani erba’ sigaretti!

Mort id-dar għajjien.

Wara ġew ommi u missieri u kilna flimkien. Staqsewni ħadtx pjaċir.

Mid-dehra saru jafu li l-magħna l-baħar qed jiġu wkoll “xi bniet.”

Issa nhar l-Erbgħa sejrin il-Ġnejna.

Diska tal-ġurnata: Whole Lotta Love – Led Zeppelin

Erbaħt lil Godwin fid-darts!

1995-07-15T16:05:00.008+02:00

Qomt xi ftit tard, iżda studjajt xi ħaġa.

Filgħaxija mort sal-Mużew għax kellna l-leagues ta’ l-Aspiranti. Fid-darts lil Godwin erbaħtlu 2-0!! U lil Laiviera rbaħtlu 2-1, avolja kont 1-0 minn taħt!

Wara morna sal-każin tal-futbol. Iddubbajt sigarett b’xejn. Tlift logħba billiard kontra Formosa.

Wara rajt biċċa film.

Formosa llum ġie jgħidli li l-kuġini tiegħu jridu jidħlu fit-tim Qawsalla, u se jgħinhom għax ma jridx jiksirha magħhom. Imbagħad lili jgħidli li ma jistax jgħini! Kollha skużi dawn!

Ser niddobba l-Boxed Set 2 tal-Led Zeppelin.

Diska tal-ġurnata: Seven Seas of Rhye – Queen

Ċorma tfajliet wara l-bieb!

1995-07-14T23:40:00.014+02:00

Illum morna sa Saint Peter’s Pool. Konna jien, Formosa, Penza u Jean-Paul.

Bejnietna pejjipna xi żewġ pakketti sigaretti.

Kien hemm żewġ pufti jgħumu għarwenin!

Formosa beda jiġini b’ħafna skużi biex ma jdaħħalnix fit-tim Qawsalla!

Fuq tal-linja ltqajna ma’ tliet tfajliet.

Penza għal ftit ma ħaraqlix xagħri.

Filgħaxija ġew iħabbtuli Calamatta, Britney, Tara, Raissa u xi tfajliet oħrajn. Qaluli biex immur id-disko taċ-Ċentru, għax Raissa riedet tkellimni. Imma wara ġiet tgħidli li ma riedet xejn. Allaħares rathom ommi!

Ċempilt lil JPG, imma hu qalli li ma riedx immur id-disko, u allura ma mort imkien! GĦAMILT SEW!

Missieri llum beda jgorr għax skond hu m’iniex qed nistudja!

Diska tal-ġurnata: ’39 - Queen

Forsi nidħol mat-tim Qawsalla

1995-07-13T22:38:00.004+02:00

Kmieni dalgħodu ċempilli Penza biex jgħidli li mhux ġej għax qam b’dahru mkisser! Dejjem b’xi ħaġa dak!

Imma forsi xorta ma kontx ser immur il-baħar għax sieqi baqgħet tuġgħani xi ftit jew wisq.

Qgħadt nara t-TV u wara rrekordjajt A Night At The Opera, iżda r-recording level m’għoġobni xejn u erġajt għamiltu fuq tejp ieħor.

Wara ġie Stuart u ġabli Queen II.

Irrekordjajtu (kelli nibdel ir-recording level). Il-lyrics ma lħaqtx ikkoppjajthom. Għandu jerġa’ jġibuli għada.

Filgħaxija mort sal-Mużew, u ftehmna li għada mmorru sal-baħar.

Alvin Formosa daħal mat-tim Qawsalla tas-Super 1. Jien forsi nidħol ukoll!

Diska tal-ġurnata: Seven Seas of Rhye - Queen

Smajt il-Queen II remastered

1995-07-12T23:01:00.005+02:00

Illum Stuart mar xtara l-Queen II tad-Digital Remasters Series.

Fiha l-lirika wkoll, bħall-oħrajn.

Wara morna d-dar u ppruvajniha. Hija ċara ħafna – ħafna iżjed minn ta’ Jesmond.

Illum mort saċ-Ċentru. Ilbieraħ ma fetaħx, u minflok fetħilna llum. Konna ħafna.

Lil Raissa m’għedtilha xejn.

Celia reġgħet bdiet tkellimni. Qaltli biex immorru sa Wied il-Għajn.

Ftehmna biex nhar il-Ħadd immorru sa l-Għadira. Andrea MHUX ġej!

Wara mort għand JPG u ftehmna li għada mmorru l-baħar. Imma issa għadni kif ħbatt sieqi mas-sodda u ma nafx kemm ser immur!!

Diska tal-ġurnata: The Loser In The End - Queen

Dak Andrea dejjem jaħxilna kollox!

1995-07-11T22:48:00.004+02:00

Illum ċempilli Ignatius u qalli biex għada mmur il-baħar ma’ sħabu!! Jiġifieri mat-tfajliet!

Xi siegħa wara reġa’ ċempel biex jgħidli li m’aħna se mmorru mkien, għax Andrea twebbel jiġi u l-bniet ma jriduhx!

Jiena lanqas immur kieku nkun naf li ma jridunix!

Diska tal-ġurnata: Bohemian Rhapsody - Queen

Elaine qed tgħid fuqi?

1995-07-10T23:36:00.007+02:00

Qomt għajjien ħafna.

Mort sal-baħar ma’ tal-Mużew. Ma tantx għomt għax il-baħar kien maħmuġ u mqalleb.

Wara mort id-dar u rajt film jismu Tremors.

Għoġobni ħafna.

Ilbieraħ, meta jien u Raissa ġġilidna fuq Elaine, hija qaltli: “Aħjar tara x’toqgħod tgħid fuqek Elaine int!.”

La naraha nistaqsiha daqsxejn x’riedet tgħid biha...

Diska tal-ġurnata: Alabama Song – The Doors

Briju filgħodu, tgħajjir filgħaxija!

1995-07-09T21:06:00.003+02:00

Illum, fis-siegħa ta’ filgħodu, kont qed nisma’ intervista ma’ Jim Morrison fuq Radju 101.

Dalgħodu qomt għajjien ħafna, imma xorta mort il-marċ!

JPG ma ġiex, avolja għaddejt għalih.

Jien inżbagħt kollni blu. L-ewwel wiċċi, u mbagħad dahri u sidri wkoll!

Il-każini tal-banda, tal-Labour u tan-Nazzjonalisti kollha tefgħulna l-ilma. Il-veru qbiżt u kantajt u ħadt gost!

Filgħaxija ħriġna.

Raissa llum veru dejqitni u bgħattha tieħdu f’sormha, għax smajt li lil Elaine għajritha “qaħba.”

Imbagħad, biex jiċċajta, Laiviera offenda lil Jean-Paul b’għoxx kemm għandu! JPG qallu li z-ziju ta’ ommu kien għadu kif miet b’“cancer tal-liver”, u Laiviera ħaseb li qallu “cancer tal-liba!” Jean-Paul sploda u nfexx jgħajjat magħna li aħna “ma nafux x’inhu jiġri”! Imbagħad offenda lil Laiviera biz-ziju t’ommu u telaq ’l hemm!!

Kultant ma nafx dan Ġanni...

Diska tal-ġurnata: Alabama Song – The Doors

Wasluli r-riżultati

1995-07-08T23:31:00.002+02:00

Qomt f’nofs in-nhar.

Ftit wara waslu r-riżultati tal-annuals. Għaddejt, imma ma tantx ġibt marki tajbin. Missieri garr xi tnejn, imma jien sodisfatt.

Filgħaxija morna sa Wied il-Għajn. Penza ma ġiex għax kellu griżmejh juġgħuh.

Morna sal-Mintba, u jien ħadt tnejn birra.

Mariella n-Nenè fajritli daqqa ta’ ħarta, imma jien ma ħadtx għalija.

Wara morna naraw il-ġiġifogu.

Dak JPG sar jisma’ minn kollox! Qed isir qisu l-fidil!

Diska tal-ġurnata: Rock ‘N Roll Rebel – Ozzy Osbourne

Ommi qabditni bil-bombi!

1995-07-07T23:50:00.005+02:00

Illum ġiet iz-zija Helen.

Filgħaxija morna ftit sal-Mużew. Penza kiteb l-albums tal-Black Sabbath fuq il-whiteboard tal-klassi ta’ l-Aspiranti!

Wara morna nduru l-festa. Kont ma’ Ignatius, Andrea, Terry, Lorna u ma’ sħabha t-tfajliet. Iżda wara ġew xi għaxar ġuvintur oħra u huma telqu.

Terry ma tantx jaħmlu lil Andrea.

Fit-tard, ommi qabditni nfaqqa’ l-bombi fil-ġnien tar-raħal u qajmet pandimonju!

Diska tal-ġurnata: Bark At The Moon – Ozzy Osbourne

Godwin irid iħallasli l-kont!

1995-07-06T22:49:00.007+02:00

Illum ħija ġabli Queen II fuq CD u qgħadt nerġa’ nisimgħu.

Erġajt mort sal-marċ. Kien hemm xi erbgħa minn nies.

James qabbad biċċa musketterija sabiħa, iżda mhux quddiem il-marċ.

Lill-Prefett Godwin għedtu li m’ilux kont ċempilt xi nurmu Taljan minn dawk tan-nisa (ta’ l-Uno-Quattro-Quattro), u li issa qed nibża’ li ġej xi kont tat-telefon bomba! Huwa offrieli li jħallasuli, imma jiena ma rridx. Issa naraw...

Kultant veru ma naħsibhomx jien!

Diska tal-ġurnata: Centre Of Eternity – Ozzy Osbourne

Marċ ta' matul il-ġimgħa... man-nisa!

1995-07-05T23:56:00.004+02:00

Illum qomt f’nofs in-nhar!

Ma studjajt xejn. Minflok irrekordjajt Sheer Heart Attack u qgħadt nikeb il-lyrics kollha!

Ġie ħija, iżda s-CD l-oħra nesihieli.

Illum smajt fuq ir-radju li Dark Side of the Moon biegħ xi 23 miljun kopja!

Illum mort wara l-marċ. Qbiżnilu xi ftit!

James mar iqabbad bomba, iżda ma setgħet tieħu b’xejn!

JPG qalli li dawk it-tfajliet ta’ Wied il-Għajn iridu jeħduha bis-serjetà, imma Silvio qalilna li rahom ma’ xi ġuvintur oħra. Qed jaħseb li użawhom!

Tkellimt xi ftit m’oħt Aaron.

Iltqajt ukoll ma’ Claudette, iżda minflok spiċċajt ngħannaq lil Gabriella!

Il-marċ dam sa xi l-ħdax.

Diska tal-ġurnata: Bring Back That Leroy Brown - Queen

Iċ-Ċentru dejjem b'xi ħaġa!

1995-07-04T23:52:00.012+02:00

Bil-lejl komplejna nilagħbu l-Monopoly.

Rebaħ Stuart.

Jien pejjipt sigarett.

Wara qbadna nagħmlu ċ-ċajt lil Formosa. L-ewwel daqqejnilu Paranoid tal-Black Sabbath bl-ispijker f’widnejh full-on. Għamilnihielu xi darbtejn. Wara garajnilu mħadda u kalzetta tinten. Imma meta mbagħad erġajna morna ndoqqulu l-isterjo ma’ widnejh induna u qam! Tgħidx x’qata’ tah lil Bertrand meta mar jeħodlu l-imħadda lura!

Imbagħad jien, Stuart u Bertrand qgħdna nistaqsu xi mistoqsijiet xi ftit personali lil xulxin.

Wara qbadna ngaraw l-affarijiet lejn il-fann! Tgħidx kemm dħakna!

Filgħaxija mort sal-Mużew, imma ma tantx domt għax huma marru sal-Fiera.

Wara mort saċ-Ċentru.

Iddubbajt Bark At The Moon ta’ Ozzy Osbourne fuq CD m'għand John.

Illum inqalgħu żewġ kwistjonijet. L-ewwel waħda bejn oħt Aaron u Elaine kontra Father Dougall minħabba l-ilbies qasir, u t-tieni bejn id-dilettanti ta’ l-armar tal-festa u Father Dougall, għax huwa qed jiftħilna ċ-Ċentru fil-ħinijiet tal-marċi.

Illum kont se nerġa’ niddeċiedi li ma nersaqx ’l hemm iżjed!

Diska tal-ġurnata: Spiders – Ozzy Osbourne

Jim Morrison għalaq 24 sena mejjet

1995-07-03T23:55:00.012+02:00

Ommi garret xi ftit illum.

Mort il-White Rocks ma’ tas-Seminarju.

Kien differenti ħafna minn tas-sena l-oħra. Il-kċina u x-xawer kienu komuni għas-sular kollu, u l-għamara ma stajniex inċaqalquha. Sodod kellna tlieta biss!

Ma tantx għomt fil-pool għax ir-riħa tiegħu ddejjaqni lili.

Stuart sab xi Lm5.50ċ f’tal-linja!

Filgħaxija, wara li kilna ħriġna ftit, u l-Vażelinu qagħad ikellimna dwar Alla u l-ħajja personali u spiritwali tiegħu.

Wara li wasalna, issetiljajna xi ftit u bdejna nilagħbu l-Monopoly.

Qgħadna attenti li ma nagħmlux storbju, l-iżjed minħabba Dun Franġisk.

Illum, Jim Morrison għalaq 24 sena mejjet.

...out here in the perimiter there are no stars... out here we’re stoned immaculate...

Diska tal-ġurnata: Stoned Immaculate – Jim Morrison/The Doors

Ġlieda fil-vann ta' Godwin!

1995-07-02T23:10:00.008+02:00

Illum mort il-quddies tad-disgħa. Kien hemm Raissa.

Godwin tellagħlna l-poloz tal-kampjonati. Fid-darts ġejt kontra tiegħu!

Fil-programm illum iddejjaqt ħafna. U dak Bonetti qed idejjaqni ħafna.

Wara nofs in-nhar mort il-Kalanka ma’ tal-Mużew.

Kien hemm ħafna tfajliet ħelwin. Bdew idoqqu xi diski tad-Doors!

Lura d-dar, Laiviera u Mutettu qabdu jiġġieldu fil-vann, u Godwin niżżilhom fit-triq!

Ħija bagħtli Sheer Heart Attack ma’ missieri.

Diska tal-ġurnata: Break On Through – The Doors

Dik Elaine!

1995-07-01T23:44:00.020+02:00

Illum qomt tard, bħas-soltu.

Studjajt xi ftit.

Ommi kienet xi ftit ma tiflaħx.

Stephanie llum ġiet bil-baby ribbon ma’ rasha!

Filgħaxija morna Wied il-Għajn. Dħalna l-Osiris, iżda hekk kif dħalna tefgħuna kollha ’l barra! Ġew il-Pulizija. Wara sirna nafu li d-dħul se jagħmluh over 16. Fil-fatt daħlu biss dawk li kellhom ta’ l-inqas 16. In-Nemusu qalilna li s-San Antonio u l-Yoggies se jsiru hekk ukoll!

Wara sibna pabb sabiħ ħafna jismu Mintba Bar. Hemmhekk JPG u Silvio ltaqgħu ma’ żewġ tfajliet u wara baqgħu ħerġin magħhom. Imma jien tgħidli qalbi qed jitnejku bihom!

F’dal-pabb kien hemm DJ anzjan u raġel b’xagħru kbira. Qagħdu jkellmuna fuq is-60s u s-70s. Dan ta’ xagħru kbira jħobb ħafna gruppi li nħobb jien. Tani sigarett!

Intant, JPG u Silvio baqgħu ma tfaċċawx!

Lura f’tal-linja poġġejt ħdejn Elaine u dawwart idi magħha minn wara.

Diska tal-ġurnata: Touch Me - The Doors

Raissa telqet lil Patrick... għax għadha tridni!

1995-06-30T23:22:00.003+02:00

Dalgħodu qomt f’xi l-għaxra.

Komplejt is-Social.

Sħabi marru l-Isplash & Fun. Ħallsu xi Lm4. Għalhekk ma mortx jien.

Ġie ħija Jesmond. Qgħadt inżomm lil Stephanie, u tgħidx kemm daħkitli!

Filgħaxija, l-ewwel mort il-Mużew u wara saċ-Ċentru. Kellimt ħafna tfajliet. Jessie ġiet tgħidli li Raissa telqet lil Patrick minħabba fija. Wara mort inkellimha. Qaltli li ma tista’ tinsini b’xejn. Jien għedtilha li ma rridx nirranġa magħha għax għalissa ma rridx nintrabat u għax hi iżgħar minni.

Milli jidher Patrick induna li tiffansjani għax qalilha: “Jaqaw jogħġbok dak?” Kien għalhekk li nfirdu, qalu.

Ma nafx jien, imma l-idea tiegħi ta’ mħabba hija ferm differenti minn ta’ sħabi.

Diska tal-ġurnata: I'm In Love with My Car - Queen

Bdejna l-vaganzi!

1995-06-29T21:20:00.002+02:00

Illum bdew il-vaganzi.

Qomt tard, imma mbagħad bdejt nistudja. Għamilt xi ħaġa tas-Social Studies.

Illum il-Mużew ma fetaħx.

Ġie ħija. Stephanie qed issir veru ħelwa!

Ommi baqgħet teqred. Dis-sena ma kinitx waħda tajba għaliha: il-ħakk, il-post, il-karozza u l-artrite... u sejrin!

Diska tal-ġurnata: Space Truckin – Deep Purple

Irritornajt il-kotba ta' l-iskola

1995-06-28T17:17:00.010+02:00

Dalgħodu l-librar ħatafna kollha, imma wara rranġajna kollox.

Żammejt erba’ kotba: tas-Social Studies, tar-Reliġjon, tal-Franċiż u tal-Business Studies.

Il-basket tqatta’! Issa ma nafx biex se mmur il-White Rocks.

Mort inkellem lis-Surmast. Ma qalli xejn dwar xagħri!

Tal-Malti qaltli li stenniet ferm iżjed minni. Fil-Business Studies mort tajjeb, u fil-Franċiż ukoll għax ikkuppjajt ħafna mingħand Staurt.

Silvio llum iġġieled ma’ wieħed. It-tnejn taw u qalgħu!

Wara nofs in-nhar ippjanajt l-istudju għas-Sajf.

Ċempilt lil Mario Griscti tal-Privat, għax Damian se jsiefer. Imma Mario kien imsiefer ukoll!

Illum smajt diska tal-Fatal Agression (il-grupp ta’ Dario).

Tgħidx kemm hi sabiħa!

Bħalissa qed nisma’ Time tal-Pink Floyd.

Ommi ma nafx kif saret dan l-aħħar. Lanqas sabar tismagħni m’għandha!

Diska tal-ġurnata: Time – Pink Floyd

X'tisbiħilna Stephanie!

1995-06-27T23:33:00.002+02:00

Dalgħodu kelli t-Taljan.

Waqt l-eżami żelqitli l-maħta fuq il-karta!

Faritli wkoll il-biro ġol-but! Kelli kuxxtejja kollha linka blu! Tgħidx kemm garret ommi!

Fit-Taljan ma mortx ħażin.

Għada l-aħħar ġurnata ta’ l-iskola. Illum qgħadt nistiva l-kotba bil-lest għal għada u neħħejt koċċ karti ħżiena. Kien hemm ħafna! Wara studjajt naqra Business Studies u xi ftit Franċiż.

Nispera li għada ma jitqattalix il-basket minħabba l-piż tal-kotba!

Filgħaxija ġie ħija bit-tifla. Kemm saret ħelwa!

Qed niftakar kemm kont bkejt meta twieldet. Filgħodu kien ċempilli ħija mill-isptar. Kien qalli: “Sirt ziju xbin. Għandi tifla!”

Diska tal-ġurnata: Wild World – Mr. Big

Spiċċajna fl-idejn!

1995-06-26T22:55:00.010+02:00

Illum kelli l-eżamijiet ta’ l-English Literature u tas-Social Studies. F’ta’ l-aħħar mort tajjeb.

Daniel Cassar, Rosario Cuschieri u Ronald Parascandalo nqabdu jikkuppjaw!

Mikiel qatagħha xagħru!

Piscopo kien qed ibiegħ xi biljetti għal xi diskow. Aktarx jien m’iniex sejjer.

Illum ħija ma ġiex, imma jien irqadtlu.

Imbagħad smajt Johnny Walker Rock Moods.

Ilum il-Mużew qbadniha ma’ Godwin fuq iċ-Cefai. Huwa qalilna biex ma nagħtux kasu.

Imma mbagħad kif ħriġt minn hemm mort bambalt daqqtejn tajba lil wieħed iblah, għax huwa u sħabu (Cefai, l-aħwa Bonetti u xi ieħor) qagħdu jgaraw il-ġebel minn barra għal ġol-klassi!

Tajt xi daqqtejn ta’ sieq f’wiċċ xi wieħed minnhom u mbuttajt lil ħuh.

Diska tal-ġurnata: Get In The Ring – Guns ‘N Roses

Dal-madonċi nisa!

1995-06-25T22:59:00.004+02:00

Illum mort il-quddies tad-disgħa. Kien hemm Raissa. Mela issa bdiet tiġi tad-disgħa minħabba fija! Jien ma kellimtha xejn!

Il-qassis Zerafa u l-Kappillan reġgħu sikktuhom lil dawk ta’ wara. Father Dougall irrabja ma’ xi tnejn ukoll. Is-soltu msomma.

Wara nofs in-nhar mort il-baħar ma’ tal-Mużew. Għall-ewwel is-Superjur Pawlu bagħtni ’l hemm, imma wara biddel fehmtu!

Ħaduna ħdejn il-Freeport. Il-baħar kien kollu ħmieġ u għalhekk ma qbiżtx. Minflok qgħadt nitkellem ma’ Domenico, ma’ Christian u ma’ Duminku.

Formosa qalli li aktarx Daniel Cassar kien tella’ xagħru mill-ġdid bil-pirmli!

Dalgħodu, kif kont sejjer id-dar, xi erba’ tfajliet ħdejn id-dar ta’ Catreen għajtu: “Ambra is the best!”

F’għoxx kemm għandhom ja liba l’huma!

Diska tal-ġurnata: Scandal - Queen

Mort nixtri l-kotba

1995-06-24T23:01:00.008+02:00

Dalgħodu mort sal-Belt. Il-ktieb bidluhuli. Minflok xtrajt tliet kotba u fadalli Lm2.65ċ.

Xtrajt Ivanhoe ta’ Sir Walter Scott, David Copperfield ta’ Charles Dickens u The Moonstone ta’ Wilkie Collins. Issa meta jiġi Into The Wind immur għalih.

Irrekordjajt A Day At The Races, u smajtu kemm-il darba.

Illum ma tantx ħadt gost Wied il-Għajn, għax sħabi qagħdu jilagħbu ħafna video-games. Il-ġjukboks mad-disgħa u nofs kienet vojta.

F’tal-linja ltqajna ma’ Candy u Serena. Kellimthom xi ftit.

Diska tal-ġurnata: Tie Your Mother Down - Queen

Paroli, paroli, paroli...

1995-06-23T22:43:00.000+02:00

Dalgħodu kelli l-eżami tar-Reliġjon. Mort tajjeb ħafna, bħas-soltu.

Illum irqadt xi ftit, u ma studjajt xejn.

Filgħaxija mort saċ-Ċentru. Kellna laqgħa ġenerali. Inqalgħu xi kunflitti rigward it-tojlits u s-sigaretti.

Aktarx se nduruh waħda sew iċ-Ċentru. Se nibdew inħallsu 50ċ fix-xahar.

Riedu wkoll jiġbru xi flus għal xi bukkett fjuri biex ipoġġuh quddiem il-Madonna. Imma jien għedtilhom li aħjar imorru jagħtuhom lill-foqra! Meta għedt dan lil ommi tkażat bija u ma qablitx miegħi!

Wara l-laqgħa Raissa ġiet tgħidli: “Ħaġa ngħidlek ħi: għalkemm inti ma tridx tirranġa miegħi, xorta waħda, ikolli kemm ikolli boyfriends, int dejjem tibqa’ l-ewwel wieħed għalija ta qalbi.” Imma mbagħad, jekk rajt sew, marret tirranġa ma’ Patrick, għax għandujkun kien għadu kif telaq lil Catreen.

Eh tajjeb, mela l-ewwel toqgħod tiġini b'ħafna diskors sabiħ, imbagħad wara tmur toqgħod tinħexa! Sewwa wisq.

Diska tal-ġurnata: Where Did You Sleep Last Night? (live) - Nirvana

Żgarrajtha fil-Physics!

1995-06-22T22:46:00.011+02:00

Illum kellna l-eżamijiet ta’ l-Ingliż u tal-Physics. L-għalliem ta’ l-Ingliż mar jibdlilna l-imwejjed!

L-Ingliż ma kienx tqil, imma fil-Physics għandi xorti ġibt 30! Wara ġie s-Sur Casha Mula, u Stuart qallu li fl-eżami kien hemm xi mistoqsijiet li ma konniex għamilnihom fil-klassi. Is-Sur Qasamulha qallu li qegħdin fin-notes. Imbagħad qabeż Matthew u qal: “FIN-NEWTS!” Aħna nfqajna nidħku, u huwa qabad u telaq ’il barra.

Illum Cilia ġabli l-vidjo ta’ Delicate Sound of Thunder tal-Pink Floyd. Tgħidx kemm hu sabiħ.

Waqt il-programm Johnny Walker Rock Moods, Joe Tanti daqq xi żewġ diski minn live album rari tal-Pink Floyd, Echoes.

Qal ukoll illi l-Led Zeppelin għandhom xi żewġ live albums rari, You Shook Me u Unplugged In London.

Ommi ilha xi ġimgħa teqred b’uġigħ f'saqajha!

Diska tal-ġurnata: One Slip – Pink Floyd

Ġibt A Day At The Races

1995-06-21T19:31:00.008+02:00

Illum kelli l-eżamijiet tal-Malti u tal-Ġeografija. Mort tajjeb fit-tnejn, speċjalment fil-Malti.

Kellna ħafna x’niktbu! Fil-Ġeografija tgħidx kemm ikkupjajna jien u Bertrand!

Matthew tani l-Lira lura.

Filgħaxija mort s’għand Jesmond, u lgħabt ħafna ma’ Stephanie.

Jesmond silifni A Day At The Races.

Kif mort id-dar ħadtlu r-recording level.

Diska tal-ġurnata: White Man – Queen

Bdejna l-annuals!

1995-06-20T23:04:00.001+02:00

Dal-għodu telgħu magħna fil-private l-bniet ta’ Bormla!

Kelli l-eżami tal-History u mort ħażin, iżda wara fil-Maths ma mortx daqshekk ħażin. Waqt l-eżamijiet ħassejtni xi ftit ma niflaħx, u filgħaxija lanqas biss ħriġt. Qgħadt nistudja l-Malti.

L-imwejjed fil-klassijiet baqgħu l-istess, u allura nistgħu nikkopjaw kemm irridu!

Smajt il-programm Grinta. Daqq tnejn tal-Black Sabbath.

Diska tal-ġurnata: Paranoid – Black Sabbath

Salvu reġa' darlu!

1995-06-19T22:07:00.006+02:00

Illum mort biex inkellem lil Salvu fuq xi kotba. Hekk kif rani qalli: “Mur aqta’ dak ix-xagħar, aqtgħu u aqtgħu sew!”

Naħseb kien bin-nervi llum. Ġie Assistant Head ġdid, u naħseb li ried joqgħod jidher!

Fil-Physics dħakna ħafna, bħas-soltu.

Studjajt ħafna History illum.

Fil-għaxija mort sal-Mużew. Kellna s-Settenarju ta’ San Ġwann.

Diska tal-ġurnata: Keep the Faith – Bon Jovi

F'Awwissu ġejjin il-Black Sabbath!!!

1995-06-18T22:13:00.002+02:00

Illum qomt għal tad-disgħa. Rajt lil Elaine.

Raissa ġiet fuqi u qaltli: “Għandi stampa tal-kannibali, tridha?!” Kultant ma nifhimhiex lil dik.

Wara mort sal-Mużew. Godwin deher irrabjat. Pawlu ma tantx ikkummenta dwar ilbieraħ. Tani xi biljetti biex inbiegħhom.

Ġie ħija. Stephanie qed toqgħod ftit kwieta.

Illum ħsibt f’Rachel.

Il-paġna tal-mużika ta’ It-Torċa ta’ llum kienet dwar l-Anthology tad-Deep Purple li għandi jien, l-American Prayer tad-Doors (ħareġ wara li miet Jim Morrison) u l-Forbidden tal-Black Sabbath.

Aktarx is-Sabbath ġejjin Malta f’Awwissu!!!

Diska tal-ġurnata: The Headless Cross – Black Sabbath

Rajna Ingliża għarwiena!

1995-06-17T22:35:00.002+02:00

Illum morna sal-baħar. Konna jien, Formosa u Penza. Suppost ġew ukoll Bertrand, Norbert u J.P.G., imma ma ġewx.

Wasalna fl-għaxra u nofs, għax is-27 damet ħafna ma ġiet! Ħadna mixja sew.

Il-baħar għadu xi ftit kiesaħ, u ma tant kien hemm nies. Jien ixxemmixt ħafna.

Kien hemm Ingliża topless, u anke għarwiena neżgħat! Imma jien rajtha minn wara biss.

Filgħaxija ġie ħija. Qalli li l-walkman qiegħed fil-kexxun.

Diska tal-ġurnata: You Can Leave Your Hat On – Joe Cocker

Diskow tal-ġenn!

1995-06-16T23:58:00.004+02:00

Illum kellna d-diskow. Daqq ħafna Rock u tgħidx kemm frijkjajna, u jien intlift!

Kien hemm xi ħadd iġġieled.

Father Dougall kellu l-birthday.

Ħassejt xi ħaġa speċjali għal Rachel. Jean-Paul u Muscat riedu jirranġawli magħha. Jien garajtilha silġa, imma minflok lilha lqatt lil Charlene! Anzi ħadd ma rani!

Kellimt waħda mill-Imsida, ħelwa ħafna, jisimha Samantha.

Elaine kienet ħelwa wkoll illum.

F’xi ħin sħabi daħkuni u ħsilthom bil-birra.

Tlift iċ-ċavetta, u sabuhieli Robert u Fabrizio.

Stuart irranġa ma’ Jessie – imbasta kollu Forever Friends Liliana!

X’inhu tal-liba!

Diska tal-ġurnata: The Struggle Within – Metallica

Krista dieħla soru!

1995-06-15T23:09:00.006+02:00

Illum imxejniha għax id-driver ġie bil-private nofsha mimlija b’Ta’ Bigi! Wasalna waqt il-ħin tal-quddies, għax illum kellna Jum l-Ewkaristija. Ħafna studenti lanqas biss jafu x’ħadu!

Illum għamlulna kwestjonarju dwar jekk qattx ġejna bullied jew qattx għamilniha tal-bullies. Is-Surmast ried li niktbu isimna, imma jien ma ktibtux. Wara ġie u qal illi ried hekk biex ħadd ma joqgħod jikteb kliem ħażin! Ħaħa!

Illum studjajt xi ħaġa tal-Malti, u rqadt ukoll. QED NIXBA’ NISTUDJA U QED NIDDUBITA NITLAX FORM 5 IS-SENA D-DIEĦLA!

Raissa llum bdiet tħares lejja.

Lil Celia qabbisthielha.

Liliana qalet lil Stuart li aktarx Krista dieħla soru, u li lbieraħ kienet qiegħda tistudja f’xi kunvent tas-sorijiet!! Formosa, miskin, qed jipprova jħassrilha. Imma Godwin fil-lezzjoni qallu li ma m'huwiex qed jagħmel sew.

Wara l-Mużew morna nkellmu lil Laiviera dwar is-Sibt.

Diska tal-ġurnata: Black Country Woman - Led Zeppelin

M’iniex sejjer id-diskow

1995-06-14T22:03:00.004+02:00

Illum dħakna tnejn l-iskola.

Bgħett il-Come Hell or High Water.

Illum studjat xi ftit u smajt ħafna Led Zeppelin.

Naħseb li m’iniex sejjer id-diskow taċ-Ċentru. Hemm diversi raġunijiet....

Diska tal-ġurnata: Bonzo's Montreux – Led Zeppelin

Ħriġt tan-nejk illum!

1995-06-13T23:31:00.003+02:00

Illum Cilia ġabli ftit lyrics tal-Wall. Qalli li Wish You Were Here u Comfortably Numb m’humiex ċari. Issa nerġa’ nagħmilhomlu.

Tal-Maths u tal-Business Studies ma ġewx. Illum studjajt xi ħaġa.

Ħija qata’ xagħru.

Meta nsaffrilha Stephanie toqgħod tmissli wiċċi.

Kont sejjer sal-Mużew, imma mbagħad ma mortx għax Formosa qalli li Godwin ma ġiex.

Fuq Grinta kien hemm programm speċjali fuq il-Black Sabbath.

Illum tnejjikna b’Celia u b’Gareth minħabba s-CB. Il-kuġin ta’ Father Dougall beda jdaħħakna ħafna.

Lil Elliane ma kellimthiex għax kienet okkupata ħafna.

ILLUM GĦAMILT L-IŻJED ĦAĠA TAN-NEJK LI STAJT NAGĦMEL. CALAMATTA QALLI XI ĦAĠA, U JIEN KONT SE NGĦIDLU “MISSIEREK!” NOFSHA BISS LAĦQET ĦARĠET!

Ħa għalih, imma mbagħad morna nitkellmu, u qalli li nduna li ma kinitx apposta!

Diska tal-ġurnata: Nobody’s Fault But Mine – Led Zeppelin

Neżżawni quddiem Nunzia!

1995-06-12T23:02:00.004+02:00

Qomt ħsilt xagħri.

Illum ma studjajt xejn!

Is-Surmast ġie sal-klassi tagħna.

Ġie ħija.

Mort sal-Mużew. Godwin ma ġiex u kellna noqogħdu ma’ Pawlu.

Sirt naf li Beverly Hills spiċċa! Se jkompli f’Settembru.

Dalgħodu fettilli ninża l-qmis biex naqfel il-buttuni sew. Dak il-ħin kienet għaddejja Nunzia. Silvio u Formosa żammewli l-qmis u bdew jagħjtulha u jgħidulha li nżajt il-qmis għax kont qed nisħon għaliha! Tgħidx kif saret ħamra!

Diska tal-ġurnata: Your Possible Pasts – Pink Floyd

Memorji...

1995-06-11T18:33:00.003+02:00

Lil Raissa ma rajthiex il-quddies tat-tmienja. Kien hemm Rosalba Garcia.

Wara mort id-dar u mbagħad mort sal-Mużew.

Wara rrekordjajt Pulse. Fih xi biċċa studio strumentali, kollha ħsejjes. Irrekordjajtha. Wara rqadt.

Wara rajt Stranamore. Ilum ġabu tifel ta’ ħames snin li jrid jiżżewweġ!

Illum ġie ħija, u Stephanie riedet tiġi għandi.

L-Ingliżi tilfu 3-1 kontra l-Brażil. Sal-half-time kienu 1-0 minn fuq, imma fit-tieni taqsima lagħbu ħażin, avolja fl-aħħar irranġaw xi ftit. Imma jridu iżjed!

Naħseb li d-diskow se mmur.

Illum smajt Always ta’ Bon Jovi u Think Twice ta’ Celine Dion fuq ir-radju. Diski tal-qamel - imma għal ftit fakkruni fl-infatwazzjonijiet kollha li kelli f'ħajti, speċjalment f’dawk ta’ dis-sena!

Diska tal-ġurnata: Wearing The Inside Out – Pink Floyd

Calamatta qed iqażżiżha!

1995-06-10T23:10:00.007+02:00

Dalgħodu mort naqdi lil ommi. Wara studjajt xi ħaġa.

Cachia xtara Pulse fuq cassette, imma dak ma tantx hu tajjeb għall-isterjo tiegħi għax qisu tejp ta’ sagħtejn. Fih One of These Days – fis-CD dik m’hemmx.

Cilia qalli li se jġibli l-lirika ta’ The Wall.

Filgħaxija mort sa Wied il-Għajn. Silvio ċempilli u qalli li ma kienx se jinżel, imma wara ġie. Gareth in-Nanu mar xtara CB!

Calamatta qed iqażżiżha mat-tfajla, u hi tip serja ħafna. Lanqas biss tħallih ibusha! Meta staqsetha jekk hix qed toħroġ miegħu bilfors, qaltli “imsomma.”

Illum dħalna f’dar li qed tinbena għax ħsibna li kien hemm Luke Mifsud u t-tfajla jinnamraw. Imma ma kien hemm ħadd.

Illum missieri mar il-kwartieri tal-Labour. Bdiet iddawwarhom Rosalba Garcia.

Illum Elaine kienet veru sexy. Kien hemm Rachel ukoll!

Jien kont bil-flokk tal-Queen.

Diska tal-ġurnata: Keep Talking (live) – Pink Floyd

Serqu l-kartiera t’Andrea miċ-Ċentru!

1995-06-09T22:55:00.005+02:00

Dalgħodu kelli nqum naħsel xagħri. Iżda llum ma bgħattx għalija!

Mort saċ-Ċentru. Elaine, Alister u l-oħrajn ma qaluli xejn fuq il-Mużew.

Skond Britney, Raissa ma ġralha xejn.

Lil Andrea serqulu l-kartiera, u morna miegħu biex nagħmlu rapport l-għassa! Il-Pulizija bagħtna kollha ’l barra!

Lil Andrea sliftu Delicate Sound of Thunder u għoġbu.

Ħassart l-ewwel biċċa ta’ Pulse bi żball!

Ilbieraħ l-Ingliżi ġew draw (3-3) kontra l-Iżvezja.

Diska tal-ġurnata: Dogs of War – Pink Floyd

Hawn xi erbgħa qed iqażżuli żobbi!

1995-06-08T22:49:00.004+02:00

Illum bagħat għalija s-Surmast minħabba xagħri. Konna jien, Piscopo, Drinu, Matthew u tnejn oħra tal-Form 3. Qalilna li għadu m’huwiex ċert x’se jagħmel. Se “jittestja”, qal!

Għada se jkolli nqum kmieni biex naħsilha. Kultant minn tagħna u kultant liba das-Surmast!

Illum reġgħu wrewna l-play.

Tal-Malti nsiet tiċċekkja dwar is-sillabu.

Illum kelli l-qari tat-Taljan. Ġibt full marks.

Is-Sur Vassallo qalli biex nagħmillu l-Pulse.

Cilia sema’ Paranoid u għoġbitu.

Illum studjajt ftit History.

Godwin iridna mmorru l-purċissjoni tal-preċett!

Stuart qalli li taċ-Ċentru għada se jagħmluli xi ċajta minħabba l-Mużew. Elaine baqgħet “iċċassata” meta semgħet li mort ma’ tal-Mużew!

Irrekordjajt Beverly Hills u rajtu wara, għax illum episodju wieħed biss kien hemm.

Illum qagħdu jaqbduha fuq Ambra. Imma issa b’rasu jdur min idejjaqni. Jiddispjaċih!

Diska tal-ġurnata: Brain Damage (live) – Pink Floyd

Illum Bertrand salvali ħajti!

1995-06-07T23:11:00.005+02:00

L-ewwel mort il-quddies u mbagħad bqajna sejrin Wied Babu. Pawlu ġie magħna.

Calamatta rani sejjer ma’ tal-Mużew – min jaf x’qal?

Fil-vann daqqejna tad-Doors u f’Wied Babu daqqejna ħafna tal-Queen.

Kien hemm żewġ ġuvintur jagħmlu l-upsailing.

Tkellimna xi ftit fuq Cachia.

Għan-noli sibt post tajjeb ħafna. Sibt post tajjeb ukoll biex noqgħod nixxemmex.

Kif kont nieżel minn fuq l-għoli kont se naqa’ għax żlaqt. Ftit kien jonqosni għax kont qed inżomm ma’ ġebla bil-ponta għat-tond. Mn’alla kien hemm Bertrand biex jgħini!

Ilum ġiet Stephanie.

Komplejt nirrekordja l-Pulse.

Diska tal-ġurnata: I Want To Break Free – Queen

Pulse veru tal-ġenn!

1995-06-06T22:41:00.004+02:00

Dal-lejl ħlomt li missieri miet b’attakk tal-qalb!

Ġabuli l-Pulse.

Għandu ktieb tal-lussu u CDs tal-ġenn - veru 5 star! Fih bozza tteptep ukoll!

Fil-brejk ħriġtu miegħi u ħadt il-basket fil-hall!

Mort id-dar u bdejt indoqqu. Veru tal-ġenn – x’lussu!

Wara ġie ħija. Għoġbu. Qalli li qiegħed nikber.

Wara mort saċ-Ċentru. Charmaine ġejja l-ħajk, imma jien dak in-nhar sejjer ma’ tal-Mużew!

Calamatta baqa’ jiċċaċċra!

Qed ninsa nagħmilhom ta’ xofftejja.

Il-kartolina li bgħattilhom ta’ l-anniversarju ma waslitx!

Bħalissa qed nirrekordja l-Pulse.

Diska tal-ġurnata: Coming Back To Life (live) – Pink Floyd

Għadha se nġib il-Pulse

1995-06-05T22:22:00.003+02:00

Illum mort il-Mużew.

Studjajt ftit History u wara spiċċajt il-ktieb ta’ The Three Investigators.

Tal-Malti qaltli li l-1 u l-4 għandna mill-Qawsalla.

Għada se nġib il-Pulse.

Lil ommi u lil missieri xtrajtilhom kartolina ta’ l-anniversarju.

Diska tal-ġurnata: Money – Pink Floyd

Smajt A Day At The Races kollu

1995-06-04T22:14:00.007+02:00

Illum mort il-quddies tad-disgħa għax qomt tard. Father Dougall kisirhom darbtejn lil ta’ wara!

Illum Raissa bdiet tibki. Min jaf x’marru jgħidulha?

Wara mort sal-Mużew. Kien hemm ex-membru tal-Mużew.

Illum qgħadt id-dar nistudja wara raqda tajba.

Wara mort s’għand ħija u smajt A Day At The Races kollu.

Tal-ġenn!

It-Torċa qed tagħmel kompetizzjoni għall-Pulse. Se nibgħatha.

Diska tal-ġurnata: Tie Your Mother Down – Queen

Gauci sar iħobb jisma' kollox!

1995-06-03T23:09:00.004+02:00

Fil-għodu mort il-Belt u sarraft il-book token. Ġibt in-noti tal-Qawsalla.

Penza qalli li s-sillabu nbidel – naħseb li se jkolli mmur inbiddlu.

Ġibt ukoll il-Cashlink u l-BoV Club Cards.

Wara studjajt ftit.

Illum Wied il-Għajn konna ħafna: jiena, Silvio, Penza, De Gabriele, Gauci u Formosa. Kont se naqbad niġġieled is-Summer Nights!

L-Ingliżi rebħu 2-1 kontra l-Ġappun.

Clinton se jġibli l-Pulse!

Gauci sar jogħġbu kollox.

Diska tal-ġurnata: Eclipse – Pink Floyd

Jum il-prize day

1995-06-02T23:43:00.006+02:00

Illum kelli l-prize day.

Tawni Lm4.75ċ. Ħadt ukoll ktieb bil-Franċiż.

Is-Sur Qasamulha qalli “prosit!”

Wara mort iċ-Ċentru.

Kien hemm Calamatta.

Raissa u Jessie ġġieldu!

Għadhom għaddejjin biha din ta’ Raissa!

Daqq Time.

Clinton ġabli CD b’xi diski mħallta tal-Pink Floyd. Għoġobni.

Diska tal-ġurnata: Eclipse – Pink Floyd

Tas-Sixth Form ħarġu jipprotestaw!

1995-06-01T23:40:00.003+02:00

Illum dħakt l-iskola!

Lil Cilia għoġbuh il-Led Zeppelin.

Iddubbajt xi past paper. Sabuli l-karta tat-test tal-Malti li kont għamilt sena ilu. Kont ġibt xi 90!

Illum studjajt u wara mort il-Mużew.

Rajt Beverly Hills 90210. Kien sabiħ ħafna.

L-istudenti tas-6th Form ħarġu jipprotestaw kontra l-Junior College. Marru l-Furjana u mblukkaw it-triq! Il-Pulizija sawtuhom, imma wħud minnhom ma riedu jitilqu b’xejn!

Diska tal-ġurnata: Brain Damage – Pink Floyd

Għamluli ċajta!

1995-05-31T22:49:00.007+02:00

Illum il-birthday ta’ ħija. Tajnih il-Live Killers; għoġbu ħafna.

Lil Stephanie libbsulha żarbun u l-ħwejjeġ tas-Sajf! Tgħidx kemm kienet ħelwa!

Illum irqadt xi ftit.

Ommi bdiet teqred.

Daqqejt ukoll. Naħseb li se niddobba Pulse – il-live album il-ġdid tal-Pink Floyd.

Erġajt għamilt it-test ta’ lbieraħ.

Xi ħadd mar ċempel lil Raissa, taparsi jiena, u qalilha li rrid noħroġ magħha! U llum Raissa ġiet tfittixni! Imnalla wasalt tard!

X'ċajta din ħej!

Diska tal-ġurnata: Brain Damage – Pink Floyd

Nunzia ġiet qisha xi qaħba!

1995-05-30T23:00:00.002+02:00

Illum dħakt xi tnejn l-iskola. Is-Surmast għadu ma ranix.

Illum Formosa ġab lenti.

Kelli test u ma kont naf xejn! Tajtu karta vojta.

Illum irqadt u studjajt ftit Literature min-noti ta’ JPG.

Filgħaxija l-ewwel mort sal-Mużew. Leslie beda jparla fil-vojt. Qal li hawn min qiegħed jilbes il-ħmerijiet. Jiena għedt xi ħaġa, u huwa tfantas. Wara, meta ġie ħdejja qalli li ma kienx qed jgħid għalija. “Kemm tieħu għalik malajr!” qalli.

Godwin beda jgorr għax dħalt bit-toppu. Lil dak irrid inkellmu sew fuq dil-biċċa.

Wara mort saċ-Ċentru. Kif dħalt xi ħadd qal “Ambra”! Naħseb li Nunzia. Marret żebħet xagħarha dik ħej! Ġiet qisha qaħba!

Tkellimt ftit ma’ Rachel, Charlene, Gabriella u Rosalba. Ftit qabel kellimt lil Celia.

Jessie kienet ħelwa llum.

Fid-9 ta’ Ġunju se nagħmlu diskow.

Britney reġgħet staqsietni għal Raissa.

Lura d-dar mxejtha ftit ma’ Elaine.

Diska tal-ġurnata: Any Colour You Like – Pink Floyd

Kultant ma nifhimhomx lil tal-Mużew!

1995-05-29T22:44:00.014+02:00

Dalgħodu bdiet tuġgħani qalbi!

Is-Surmast ma rahielhix xagħari. Ma ddejjaqtx l-iskola.

Studjajt xi ftit History illum.

Bagħtuli tal-BOV Club.

Illum ġie ħija u ġab lil Stephanie. Illum żammejtha mhux ħażin.

Dennis illum qalli biex inbaxxi l-isterjo!

Lil missieri rrekordjajtlu xi ħaġa tal-Belt.

Ommi qelbet għall-aħjar. Qaltli li hemm xi abbati jiġi l-Mużew li għandu cancer!

Mort sal-Mużew. Tkellimna fuq is-sess. Ħriġt minn hemm xi ftit imħawwad. Għax veru jgerfxuni dawn. Jgħidu li jekk iġġerrieh “dnub gravi”!

Jiena veru nħobb inbellagħlu xi daqsxejn, imma b’daqshekk ma jfissirx li jien tifel ħażin!

Diska tal-ġurnata: Any Colour You Like – Pink Floyd

Ġurnata li ma ninsa qatt!

1995-05-28T23:41:00.000+02:00

Ilum morna wara l-Qamar u ma ħallinhiex. Jien obdejtu, imma l-oħrajn telqu. Meta mbagħad morna l-Mużew keċċihom ’il barra.

Il-funeral ta’ missier Alister Calamatta beda fis-sagħtejn. Kbewh ħafna nies! Kien hemm mara u tifla ħasshom ħażin!

Celia kbiet ħafna wkoll. Wara wassaltha d-dar, u qaltli li tiddubita hemmx Alla!

Filgħaxija Alister kien is-San Antonio, ħaġa li qatt ma stennejtha. Ma deherx imdejjaq wisq. Kif rani ġie jeħodli b’idi. Iddispjaċini ħafna għalih. Ġie jkellimna. Qalilna, “Aqtgħu s-sigaretti. Kieku ma kinux huma missieri għadu ħaj. Jien qtajthom. Issa għandi xogħfa.”

Fejn is-Sheek qalilna li missieru ried li kull fejn inkunu, inkunu klikka waħda, u li “hekk irridu nagħmlu ċ-Ċentru.”

Diska tal-ġurnata: The Severed Garden – The Doors

Miet missier Calamatta!

1995-05-27T23:04:00.001+02:00

Dalgħodu mort naqdi lil ommi għand Gejtu.

Vivian ta’ ħdejna qaltli li missier Alister Calamatta miet b’attakk tal-qalb! Kellu 49 sena!

Iltqajt ma’ Lenny ukoll, u qalli li taċ-Ċentru se jkunu l-funeral. Naħseb jien sejjer ukoll.

Illum ċempilna lil Liliana.

Filgħaxija mort sal-Mużew, u mort ħażin ħafna fit-table tennis.

Illum daħħakthom ħafna fil-lezzjoni. Il-Qamar beda jitkellem dwar il-Papa, u qbiżt jien u għedt: “Il-Papa min hu?” Tgħidx kemm daħku!

Imbagħad beda jitkellem fuq Paceville, u beda jgħid li ż-żgħażagħ imorru hemm biex mingħalihom ikunu ferħanin. Qbiżt jien, u għedt: “Eh, imorru l-Mużew mela!”

Did-darba ma semanix.

Diska tal-ġurnata: Us and Them – Pink Floyd

Ifli mitt darba... u vvota darba!

1995-05-26T22:54:00.001+02:00

Illum qaluli li għandi xi prizes. Għandi l-ewwel fir-Reliġjon, fit-Taljan u fil-Franċiż, u t-tieni fil-Malti.

Mort id-dar ferħan, imma ommi bdiet teħodha miegħi għax ma rbaħt xejn fil-Maths u fl-Ingliż ukoll! Iżda Jesmond qalli li mort tajjeb. Meta ġie d-dar missieri beda jgħidli li fl-Ingliż hemm ħafna x’tistudja!

Dal-għodu qagħdna ngħajtu lit-tfajliet, u kif bdew iħarsu lejna bdejna nuruhom il-voti, minn 1 sa 10, skond kemm huma ħelwin!

Lil Celia tajtha 10 u WOW! Dil-biċċa jien ħriġtilhom biha!

Illum ma kienx hemm Ċentru.

Meta ġejt lura mill-Mużew rajt lil Alfred Sant fuq it-TVM. Wara rajt Beverly Hills 90210 fuq il-vidjo.

Wara l-eżamijiet naħseb se mmur l-Isplash & Fun ma’ tal-klassi.

Diska tal-ġurnata: Us and Them – Pink Floyd

Tal-Milan maħruqin!

1995-05-25T22:06:00.001+02:00

Illum dħakna xi ftit fil-Physics.

Ommi baqgħet ma tiflaħx.

Mort sal-Mużew, u Beverly Hills irrekordjajtu.

Tal-Milan ma tkellmu xejn illum!

Diska tal-ġurnata: Us and Them – Pink Floyd

Is-Surmast ġej bil-liba!

1995-05-24T23:45:00.002+02:00

Ommi baqgħet ma tiflaħx. Illum mort xtrajtilha xirja.

Għoġbitha The Severed Garden tad-Doors!

Filgħaxija rajt il-final taċ-Champions League.

Il-Milan tilfu 1-0 kontra l-Ajax!

Dal-għodu s-Surmast qalilna biex naqtgħu xagħrna! Qalilna li jekk se nhar it-Tnejn “ma nirranġawhiex” se jibgħatna d-dar!

Jiena ma jimpurtanix! XAGĦRI TIEGĦI!

Diska tal-ġurnata: Money - Pink Floyd

Ġabuli s-soundtrack tad-Doors!

1995-05-23T22:55:00.004+02:00

Ommi baqgħet ma tiflaħx.

Illum ma mortx skola għax mort għand it-tabib Caruana ma’ missieri. L-ewwel morna tas-Sliema, imma ma kienx hemm. Wara morna b’ġirja l-Furjana u sibnih hemm.

Fuq xufftejja għandi xi felul, imma ma jafx minn fejn ġew! Tani xi dlik u xi żejt. Infaqna xi Lm6 b’kollox!

Filgħodu ġabuli s-soundtrack tal-film tad-Doors.

Dawk bdew fl-1967.

Filgħaxija mort il-Mużew u wara mort saċ-Ċentru. Ma tantx domt. Ma nafx għaliex, għax kien hemm bniet ma’ min nitkellem.

Is-sena d-dieħla s-San Antonio se jisponsorja lil Celia biex tidħol għall-konkors Miss Malta!

Raissa qalgħet xi rapport minħabba fiha għax kitbet ismi fuq il-mejda ta’ l-iskola!

Diska tal-ġurnata: The Severed Garden – The Doors

Praspura oħra waqt il-Physics!

1995-05-22T17:52:00.002+02:00

Dalgħodu ommi qamet ma tiflaħx sew. Tal-birthday ħaditha miskina! Mort naqdiha illum.

L-iskola għamilt waħda tinkiteb! Fil-laboratorju tal-Physics, taħt il-bank, kien hemm ħobża li kienet ilha żmien hemm! Jien ħriġt bl-idea li nippassjawha. Ignatius ta lil Stuart, Stuart ta lil Andrea u b’xi mod din l-imbierka ħobża reġgħet ġiet lura għandi! Jiena tajtha lil Clifton u dak kissirha fuq il-mejda tiegħi! Jien mort tajt kollox lil Ignatius, u huwa reġa’ taha lili, u did-darba kissirha iżjed bis-saħħa!

Kif is-Sur Casha Mula ra hekk, ġie jiġri bil-għaġla u bil-fixla kisser l-ismoke cell! Wara kelli nnaddaf il-laboratorju!

Fil-għaxija ma ħriġtx għax ommi baqgħet ma tiflaħx sew!

Diska tal-ġurnata : Money – Pink Floyd

Skurjajt gowl!

1995-05-21T23:34:00.001+02:00

Illum il-Qamar beda jgorr għax ma morniex ħdejhom, u ma ħalliniex nilgħabu !

Illum mort nilgħab il-futbol ma’ tal-Mużew. Magħna ġie Penza, u tajtu CD. Jien skurjajt gowl!

Godwin ma ġiex illum, la filgħodu u lanqas filgħaxija.

Diska tal-ġurnata : The Great Gig In The Sky – Pink Floyd

Genfest '95 - Żgħażagħ għal dinja magħquda!

1995-05-20T22:38:00.000+02:00

Illum ommi ma tiflaħx, u mort naqdiha. Xtrajtilha kartolina u tajthiela.

Wara rajt Beverly Hills 90210. Kien sabiħ ħafna, bis-sens.

Illum mort il-Genfest ’95. Anke JPG ġie.

Għall-ewwel Lorraine ma riditx tkellimna, imma wara qaltilna xi ħaġa.

Dolores ġiet, u kienet sexy ħafna ! Dik qed tiġini liebsa seduċenti apposta! Kien hemm Krista ta’ Formosa wkoll.

Wara morna fuq il-bumping cars tal-Belt. Lil Stuart serqulu l-beritta waqt li kien qed isuq! Tiswa xi Lm8! Imbagħad xtara ġiżirana ta’ A Real Live One.

Wara mort id-dar. Kien hemm ħija, Doreen u Stephanie.

Diska tal-ġurnata : The Great Gig In The Sky – Pink Floyd